ayuthaeluthu

கண்களும் காதலும் ஐயோ ! இந்த கண்களை என்னதான் செய்வது இப்படிக் காட்டிக் கொடுக்கின்றதே என் காதலை

இன்று feb14 காதலர் தினம் நீ திருமணத்தின் முன் சொன்னது போலவே என் கூடவே இருக்கின்றாய் இன்றைய நாளில் தட்டுத்தடுமாறி காலையில் என்னைக் குளிப்பாட்டினாய் உன் மூச்சில்தான் என் கூந்தல் துவட்டினாய் என் அருகே அமர்ந்து எனக்காய் உணவு சமைத்து உன் கையாலே ஊட்டிவிட்டாய் எனக்கே எனக்காக கவிதை செய்துதந்தாய் இப்போது இரவாகி விட்டது சற்று நேரம் முன்வரை பெரிய பெரிய இருமல்கள் இடையே என் மீதான காதலை எண்ணி எண்ணி   மகிழ்ந்து உரைத்தாய் இப்போது என்ன ஆயிற்று உனக்கு? இறுதியாக உன் வை உரைத்த I LOVE U ... இந்த வார்த்தை என்ன நடந்தது உனக்கு ?.. நம் தள்ளாத வயதிலும் கொள்ளாமல் காதல் தந்தாயே இப்போது வைத்தியர் எனக்கென்று   குறித்து வைத்த நாள் வரும் முன்னே என்னை மட்டும் தனியே விட்டு விட்டு எப்படி சென்றாய்? இதுதான் உன் காதலா ? உனக்கும் எனக்கும் ஓர் ஒப்பந்தம் உண்டு தானே யார் முன்னே போனாலும் உடன் கூட்டிச் செல்வதென்று இன்னும் நீ ஏன் என்னை அழைக்கவில்லை ? என்னால் மு..மு.முடியவில்லை.. ...

 தினமும் ஒரு முத்தம் எதிர்பாரா நேர அணைப்பு  சின்ன சின்ன சில்மிஷம்  செல்லமாய் ஒரு கோபம்  எனக்கான  முழுமையான ஒரு நிமிடம் என்னை சிவக்க வைக்கும் பார்வை பிறர் அறியாமல் நீ சொல்லும் காதல் இத்தனையும் தருவதானால் சொல் இப்போதே கையொப்பம் இடுகிறேன் உன் காதல் விண்ணப்பத்தில் சம்மதமா ? 

    நீ சொன்ன மாடமாளிகை வேண்டாம்     உன் மனது போதும் நான் குடியிருக்க நீ சொன்ன பென்ஸ்கார் வேண்டாம் சிறுவயது உப்புமூட்டை போதும் நான் நகர்ந்துசெல்ல நீ சொன்ன எந்த சாதனமும் வேண்டாம் உன் ஒற்றைப்பார்வை போதும் என்னை அழகுபடுத்த நீ  விரித்த எந்த கம்பளமும் வேண்டாம்   தார்ரோடு போதும் உன் கைகோர்த்து நடக்க இந்த மலர்ப்படுக்கை வேண்டாம் உன் நெஞ்சம் போதும் நான் தலை சாய்க்க நீ சொன்ன நூற்றாண்டும் வேண்டாம் ஓர் நாள் போதும் உன்னோடு வாழ 

உன் காதலை நெஞ்சிலே ஏந்தி உன்னை இதயத்தில் சுமந்து உன் கருவை கருவறையில் தாங்கி மொத்தமாக நன் செய்யும் தாங்குதல்கள் எல்லாம் நாளை நான் இறக்கும் வரையில் உன் மடியில் தலைசாய்க்கவே ....

 உன் காதல் தான் எனக்கு கவிதைகள் வளர்க்கக் கற்றுத்தந்தது இன்றும் வளர்க்கிறேன் உன்னாலே உருவான கருவை கவிதையாக ....

காதலும் கணக்கும் ஒன்று எவ்வளவு செய்தாலும்  தீராது